تصميم: تضامناً مع أهل الأحواز

السلام عليكم ورحمة الله وبركاته
اليوم احب اهديكم هالتوقيع او البنر
تضامناً مع أهل الأحواز ضد العدو الصفوي

العمل بدون الحقوق عشان الكل يستفيد منه وينتشر
واللهم انصرهم على عدوهم

● عطني دقايق من وقتك واقره هالموضوع !!

اخواني وخواتي شخباركم
ان شاء الله الكل بخير
اليوم بس حبيت اكتب موضوع من عندي عشان الكل يستفيد ان شاء الله
واتمنى من الكل يقراه كامل ومحد يكتب رد من غير مايقراه كامل

----------------------

بسم الله
ياجماعة تدرون كلكم اننا وايد مقصرين في حق الله
وانه اولكم
فحبيت اذكر لك واذكركم لانه يمكن تعرفون هالاشيه اب جمن شي بسيط تسويه في يومك ويمكن ماياخذ ((نص ساعة)) من يومك كامل
ولك ان شاء الله فيه اجر وفايدة ماتتصوره باذن الله

----------------------

خلونه نبتدي
من في اليوم مايرتكب ذنوب؟؟
اكيد كلنا نرتكب ذنوب سواء كانت كثيرة او قليلة ومافي احد يقدر يقول لي لا انا مارتكب "كل ابن آدم خطاء (صحيح)"
وقط فكرنا الحين جم علينه من الآثام والذنوب؟
انزين ليش مانكفر هالذنوب في اقل من دقيقة ؟؟
ليش مانقول سبحان الله وبحمده 100 مرة كل يوم وتروح عنه كل هالذنوب ؟؟
قال صلى الله عليه وسلم:"من قال : سبحان الله وبحمده ، في يوم مائة مرة ، حطت خطاياه وإن كانت مثل زبد البحر (صحيح)"
انا جربت على روحي وشفت اني اقدر اقول "سبحان الله وبحمده" 10 مرات في 5 ثواني
فخل نحسبها
5 ثواني * 10 مرات = 50 ثانية
يعني كفرنا كل ذنوبنا في اقل من دقيقة ؟
صعبة هاي ؟؟
ملاحظة:
المقصود الذنوب الصغيرة لانه الذنوب الكبيرة ماتكفرها الا التوبة
وان شاء الله باحط موضوع عن كبائر الذنوب اذا الله قدرنا

----------------------

شي ثاني
وانه اشوفه الصراحه وايد مهم واتمنه من الكل انه يسويه
الكل يدري انه مهما طال العمر فلازم بنموت كلنا (الله يرزقني واياكم حسن الخاتمة)
قط احد سأل روحه
شنو بتكون حالتي في القبر؟
باثبت عند السؤال او لا ؟
قبري بكون روضة ولا حفرة؟
انزين يمكن الواحد يسأل شاسوي انزين عشان اضمن انه مااتعذب ؟
طبعا في شي بسيييط بعد تسويه كل ليلة وباذن الله ماراح تتعذب
كل ماعليك انه قبل ماترقد
تيود المصحف
وتقره سورة الملك كل ليلة
عن عبدالله بن مسعود رضي الله عنه قال من قرأ تبارك الذي بيد الملك كل ليلة منعه الله عز وجل بها من عذاب القبر وكنا في عهد رسول الله صلى الله عليه وسلم نسميها المانعة وإنها في كتاب الله عز وجل سورة من قرأ بها في ليلة فقد أكثر وأطاب
وخل نشوف جمن بياخذ من وقتك الثمين ذي
اهي صفحتين ونص
وانا عني ياخذ لي 5 دقايق واذا مب اقل
وطبعا السورة وايد سهلة وبعد القراية من المصحف جمن مرة بتلاقي روحك/روحج حافظها

----------------------

شي ثالث
الحين لو سوينه هالشيين فوق نقدر نقول الحمدلله
كفرنا ذنوبنا
اتقينا عذاب القبر
انزين وبعدين
شنو نبي نوصل له احنا ؟
مانبي ندخل الجنة ؟
انزين شلون نضمن انه ندخل الجنة بعد ؟
الواحد يسأل في ضمان ؟
نقدر نقول له اي باذن الله ؟
كل اللي عليك انك لما تصلي
قبل لا تروح بيتكم
اقره آية الكرسي
من قرأ آية الكرسي دبر كل صلاة مكتوبة ، لم يمنعه من دخول الجنة إلا الموت (حديث صحيح)
شنو يعني هالكلام ؟
يعني الشي اللي بينك وبين الجنة اهو الموت
شنو احسن واسهل من هاي ؟
وخلونا نحسبها بعد
آية الكرسي اقل من نص صفحة تقريبا بشوي
انت شكثر يبي لك عشان تقره نص صفحة
دقيقة - نص ؟
خلنا نقول دقيقة مب نص

----------------------

بالنسبة لي هاي الاشيه الأساسية اللي كانت في بالي واللي اتمنى انه الكل يداوم عليها
والحين بنكتب بعد اشياء اضافية وبعد مفيدة
----------------------
انزين نقدر نقول بعون الله وباذنه
اذا سوينه آخر شي دخلنا الجنة
انزين في الجنة وين بنسكن ؟
اكيد كل واحد يقول في البيت اكيد
انزين ليش بس بيت واحد ؟
ليش مانكثرهم شوي
من صلى في يوم اثنتي عشرة ركعة بنى الله له بيتا في الجنة ، أربعا قبل الظهر ، واثنتين بعدها ، واثنتين قبل العصر ، واثنتين بعد المغرب ، واثنتين قبل الصبح
جم نعطي هاي
ربع ساعة ؟
انا اشوف ربع ساعة اوكي ولو انه لو تاخذ أكثر وتخشع أفضل
----------------------
اممممممممم شنو تقدر نسوي بعد
اييييي تذكرت
الحين الصيف ياي
واكيد الكل يطلع ويدور سواء كان في المجمعات او السوق او غيره من الاماكن العامة او الأسواق
على العموم شرايك وانت داخل السوق تحصل لك حسنات ماتتصورها في 10 ثواني واذا مب اقل
من دخل السوق فقال لا إله إلا الله وحده لا شريك له له الملك وله الحمد يحيي ويميت وهو حي لا يموت بيده الخير وهو على كل شيء قدير كتب الله له ألف ألف حسنة ومحا عنه ألف ألف سيئة ورفع له ألف ألف درجة
اممممم
الف الف الواحد يسأل يعني جم ؟
خل نحسبها
وجم بياخذ ذي قلنا ؟
شنو اسهل من هلون ؟
اممممم
خل نحسبها
1000*1000=
1000000 حسنة تزيد
1000000 سيئة تروح
1000000 درجة تنرفع
وجم بياخذ ذي قلنا ؟
10 ثواني
شنو اسهل من هلون ؟

----------------------

في وايد اشياء نعرفها
لكن ماحبيت احطها كلها عشان مانكثر عليكم ونمللكم من الموضوع
ياريت بس لو نسوي هالأشياء البسيطة ولكم الأجر باذن الله
وخلونا قبل لا نختم نشوف شقد هاي بس بياخذ من وقتنا
سبحان الله وبحمده (50 ثانية) + سورة الملك (5 دقايق) + آية الكرسي (دقيقة) + اثنى عشر ركعة (15 دقيقة) + دعاء السوق (10 ثواني)
فيصير المجموع 22
لكن شوف في هال22 دقيقة شنو حصلنا انا وياكم 22 دقيقة بالضبط من 24 ساعة من 1440 دقيقة
----------------------
اتمنى انه نكون كلنا استفدنا من هالموضوع البسيط
واتمنى انه الردود تكون ردود فعلا تشجع وتثبت انه ناويين نسوي هلون
واللي حاس نفسه مشغول كلش كلش ومايقدر يعطينه من وقته هال22 دقيقة بس خل يراجع روحه شوي ويشوف شكثر اصلا باقي له في الدنيه
وقبل لا انسى ياريت لو ننقل هالموضوع عشان تعم الفايدة
سواء ذكر المصدر او عدمه كله واحد
اهم شي الفايدة
ويزاكم الله خير
وسامحوني على اللإطالة والإنقطاع

● شلون تنتقد التصميم .؟

هَذِي مَجْمُوْعَة نِصَايِح بُتُفِيدُكُم إِن شَاء الْلَّه فِي إِنْتِقَاد الْتَصَامِيِم
لِأَنَّك بَرَد سَرِيْع مُمْكِن إِنَّك تُقْتَل إِبْدَاع عُضْو وتُشَردِه مِن الْمُنْتَدَى
عَشَان جُذِي حِنّا مُحْتَاجِيْن كَلِمَآت مُنَاسَبَة لِلإِنْتِقَاد
----------------------
●- شَلُّونُ تُقِيْمُ الْتَصَمِيم -●

● قول رايك بالتصميم والفكره بشكل عام
مثلاً :[ حلو - يفتح النفس - فكرته حلوة ..الخ ]

● تكلم عن الصور المستخدمة في التصميم
من حيث :[ ديزاين الصوره - دقتها - حجمها - علاقتها وموقعها بالتصميم ..الخ ]

● الدمج والتأثيرات المستخدمه
من حيث :[ تقطيع الصور - اتقان الدمج - التأثيرات المستخدمة ..الخ ]

● لاحظ التصميم عدل وركز بالتأثيرات والفلاتر والفرش والباترين ... إلخ .

● خذ لك نظرة عامة على التصميم وخلك ملاحظ كل شي داخل في التصميم .

● تذكر الأشياء التي ترى أنها تحتاج للتعديل أو إعادة نظر لأخبار المصمم بها .

●- وَالَأَهَمْ أَنَّ تُذَكِّرُ الْإِيْجَابِيَّاتِ فِيْ الْتَّصْمِيْمِ قَبْلَ الْسَّلْبِيَّاتِ -●
----------------------
.( يَالَيْت لَو نَسْتَبْدِل بَعْض الْعِبَارَات الْقَوِيَّة وَالَّتِي يُمْكِن أَن تَحْبَط الَمُصَمْم بِعِبَارَات خَفِيّفَه و تَتْرُك أَثَر طَيِّب لَلَمَصَمَم ).

●- مَثَلا -●

● لو كان التصميم بدون إطار ..
قول :[ ياليت تضيف إطاربسيط على التصميم لأنه على كثر ما هو حلو بيكون أحلى ]

● إذا كان الخط مب مناسب ..
قول :[ الخط المستخدم يبيله تضبيط من ناحية .. ]
وتجنب العبارات الخشنه مثل :[ احس انه دفش أو الخط شكله غلط ] لأنك بتجيب العيد

● لو كانت الألوان مب متناسقه مع بعضها البعض
قول :[ اللون المستخدم حلو لاكن لو استعنت بالألوان المستخدمه بالتصميم كآن بتتناسق اكثر ]
احسن من :[ عورتني عيوني من هاللون ]

----------------------
أَتَمَنَّىْ انّيّ افَدَتِكُمْ وَلَوْ بِشَيْ بَسِيْطٌ
فْنِصَّايْحيّ لِلَتَّنْبِيْهِ فَقَطْ وَماعَلِّمَكُمْ الْذَّوْقِ .. لِأَنَّكُمْ الْذَّوْقِ كُلِّهِ ..
----------------------

● كَلَام مِن الْخَاطِر - تَواضع .!

-●- تَوَاضَع -●-
----------------------
- قِصَّة -
يوم من الأيام كنت قاعد في في الصآلة (غرفة المعيشة)
وانا قاعد وإلا بالوالدة ماده -مدت- رجولها
في وجهي
البعض ممكن يحسها إهانة ,والبعض ممكن يكلمها بإحترام والبعض مايهتم بالموضوع ,الناس انواع بالبر وبتعاملهم مع أهاليهم.
لكن أفرض إنك قمت من مكانك ورحت عند رجولها وحبيتها وقلت فديت هالجنة ...!
وانت بقمة التواضع والأحترام والبر
نتيجة
تخيّل وش شعور الأم وقتها حُب ,وقار ,تكبر بعينها ,ووش تحس فيه بس .!
----------------------
- مايَصِيْر لِي -
كنا في يوم العيد نسلّم ونبارك لأهل المسيد ,ومن بينهم الشيبان فـ كنت لما أسلم عليهم أحبهم على راسهم
فـقال لي واحد من الشباب ,يصير لك هذي .؟
قلت له لا
فقال شلون تحبه على راسه عيل
فقلت له أحتراماً له لأنه كبر ابوي
فقال إيه بس انه مستحيل احب راس احد .!
نتيجتها
هل احنه نتواضع لبعض الناس دون بعضهم .؟ شي غريب فعلاً
والشي الأغرب بإن البعض يتكبر على أشخاص معينين
ويجوفهم مو من مستواه .!
----------------------
- حَدِيْث -
قال صلى الله عليه وسلم مَن تَوَاضَع لِلَّه رِفْعَه
رواه ابن ماجه
----------------------
فيا أحبابي الناس كلهم سواسيه وإن كآن منصبك عآلي ومكانتك مرموقه
وش بيضرك لو صرت متواضع وتمشي مع الفقير وتكون مع كل طبقات الناس متواضع.
----------------------
وخل ببآلك دايماً
حبيبك صلى الله عليه وسلم قائد أمــه كاملة ,على رغم إنشغاله في الدعوه والغزوات
تلقاه يوقف ويسمع من أمراه عجوز وجميع الناس ومن شكاويهم ومن اللي بخاطرهم.
- فإذا تبي توصل فوق ,خلك متواضع مع الناس تحت -
فالكبر لله سبحانه فقط ,ومن نازعه عليه اذله الله وجعله أسفل السافلين .!
- ويزاكم الله كل خير -
----------------------

● درس: عمل إنعكاس للصور

اليوم بإذن الله تعالى راح نتعلم شلون نسوي إنعاكس للصورة
بشكل رايق وسهل مابنتعب فيه
----------------------
المعدات
برنامج الفوتوشوب - Adobe Photoshop
مزاج مروّق وحبذا لو معاك ستكانة جاي^^
----------------------
الدرس
نبدأ بسم الله الرحمن الرحيم

(1)
نفتح عمل يديد بالضغط على Ctrl+N (حسب الرغبة)
وندخل مقاسات افتراضية

(2)
نسحب الصورة اللي نبي نسوي لها إنعكاس للعمل ( التحميل )


(3)
ننسخ الطبقة بالضغط على Ctrl+J


ونسوي لها إنقلاب كامل بالضغط على Shift+Ctrl+T
ونخلي موضعها مثل ماهو موضح بالصورة ,ونبادل اماكن الطبقات فوق بعض


(4)
نحدد هالجزء من الصورة ونحن على الشريحة المنسوخه


ونضغط Shift+F6
راح تطلع لنا هالنافذة ,افضل نختار قيمة أكبر من ال20



(5)
نضغط دقمة (زر) الDelete من الكيبورد

من أربع إلى خمس مرات لما يستوي لنا الشكل المطلوب
----------------------
- نَتِيْجَة -



----------------------
-●- اسَأَلْتِكُم -●-

س1: ماهو اصدار الفوتوشوب اللي عملت عليه الدرس.؟
 .Photoshop CS5 :ج1

س2: ماعدد الطبقات المستخدمه كل الدرس.؟
ج2: ثلاث طبقات :الخلفية البيضاء - صورة السبحه - صورة انعكاس السبحه

س3: هذا الدرس موجود بالمواقع التعليمية, شنو سبب شرحك له مرة اخرى.؟
ج3: شرحي اعتمدت عليه اسلوب يديد وطريقة اسهل واسرع يفيد المبتدئين على عكس بعض الشروحات اللي تفيد المحترفين اكثر

----------------------
اسأل الله العظيم أن اكون توفقت بالشرح وكآن اسلوبي واضح
واللي عنده اي استفسار لايرده إلا كيبورده, وهالله هالله بالتطبيقات

● تصميم: باكورة أعمالي بالفكتور

قوه شباب وشياب عساكم طيبين

----------------------

من زمان ماصممت شغلات فحبيت ارجع بشي يديد

وهالمرة طق بمزاجي الفكتور هالفن العجيب

----------------------

-●- تَفَاصِيْل الْعَمَل -●-

الوقت المستغرق: ساعتين تقريباً بس متفرقين

المعدات: 4 فرش فقط

----------------------

-●- الْعَمَل -●-

----------------------

-●- اسَأَلْتِكُم -●-

س1: ماهو اصدار الفوتوشوب اللي عملت عليه التصميم.؟
ج1: .Photoshop CS5

س2: شنو رايك وأنطباعك عن فن الفيكتور.؟
ج2: فن عجيب وروعه من أكثر مايكون, والأروع إنه سلس وبسيط واحب اسميه فن الظلال لأنه معتمد على الظلال وليس على الصور.

س3: ماهي سلبيات هذا الفن .؟
ج3: بصراحة هالفن حلو وماشفت فيه عيوب, عدا إنه معتمد بشكل كامل على الفرش تقريباً.

----------------------

اللي عنده اي استفسار لايرده إلا كيبورده, وياريت اشوف أنتقاداتكمـ

● كلام من الخاطر - حاسب خط أحمر (2)

-●- حَاسِب خَط أَحْمَر (2)-●-
تكملة للموضوع - السابق -
----------------------
- قِصَّة -
يوم من الأيام جافك احد الناس
وشغلك هاه من وين لك هالسيارة
فتقول له هذي سيارة الأهل
ويقل لك اي واحد منهم انا اخبر ماعندكم إلا الكروز والسيفيك
تقول له لا عندنا هذي بعد
يقل لك اها طيب موديل كم ذي وبكم خذيتوها وووو...إلى نهاية الحوار
نتيجة
يامثقل هالنوعية من الناس اللي يشغلك بسواليف ماله دخل فيها
واحياناً يحرجك بكثرة اسألته
----------------------
- غَشَمْرِه-
كآن واحد من الشباب داخل علينا ايام الشهادات
فقام عبدالله يسأله بصوت مرتفع: هاه عزوز بشّر نجحت .؟
بده ويه صاحبنا عبدالعزيز يتقلّب
فقال له بعدها يلا الله كريم..
نتيجتها
للأسف صاحبنا عبدالله ابدا اهتمامه بدراسة اخونا عبدالعزيز بأسلوب غلط
فهو بدل مايسأل عنه ,سبب له الإحراج قدامنا
----------------------
-حِكْمَة -
مجاهدة النفس على التحرر من التدخل في شئون الآخرين ..
متعبة في البداية.. لاكنها مريحة في النهاية..
----------------------
فياأحبابي الناس عندهم خصوصيات مايحبون احد يطلع عليها
وحاسب إنك تتسأل كأنك تحقق معاهم, لأن مو كل شي ينقال.
----------------------
وخل ببآلك دايماً
● مِن حُسْن إِسْلام الْمَرْء تَرْكُه مَالا يَعْنِيْه ●
- ويزاكم الله كل خير -