-●- حَاسِب خَط أَحْمَر (1)-●-
يمكن قاعدين تقولون احين اي خط أحمر
لكن فعلاً هنآك خط أحمر ,لكنه خط وهمي لكن لازم توقف عنده
----------------------
- قِصَّة -
يوم من الأيام كنت قاعد مع الربع
وطلعت تلفوني من مخباي وخليته صوبي
ويه واحد منهم من باب إنه مطيح الميانه
جآن ياخذ التلفون ويحوس فيه ..
حط روحك مكآني شنو شعورك حزتها .؟
----------------------
- غَشَمْرِه-
كآن واحد من الشباب قاعد فيه سيارته
وجاف رفيجه ونزل يسلم عليه شوي إله غافله صاحبه الثاني
ونزل الهاند بريك وهو ماعط شيييييييييك ,وهي غشمره طبعاً مو من صدق
شنو شعور صاحبنا حزتها .؟
----------------------
- مِن السِّيْرَة الْنَّبَوِيَّة -
كآن النبي
مع اصحابه في مسيرفنعس رجل وهو على راحلته, فغافله صاحبه وانتزع سهماً من كنانته, فشعر الرجل بمن يعبث بسلاحه, فانتبه فزعاً مذعوراً
فقال
: لايحل لرجل ان يروع مسلماًرواه الطبراني وغيره ورجاله ثقات.
----------------------
فياأحبابي الناس عندهم خصوصيات مايحبون الناس تتطلع عليها
لو شنو وصلت معزتك عنده
وحاسب إنك تثقل بغشمرتك وله كلامك وتعاملك معاهم ولو كنت تقصد الغشمره
----------------------
أيي ببال الشخص المازح إنه يضحك ويوّنس
لكنه على العكس يمكن يغضب الناس ويسبب لهم الخوف والفَزْع
----------------------
وخل ببآلك دايماً
●الْشَّي لَيِّن زَاد عَن حَدّه إِنْقَلَب ضِدَّه●
----------------------
_●_ تْكّويعْهَ سَِريعْهَ _●_
[ احب انوه إن كتاباتي هذي شخصيه ,واقتبست بعض الأقوال من كتب موثوقه ,واغلب مواضيعي من الشيخ الدكتور محمد العريفي
بأسلوبي وزيادتني ببعضها ,واسمح بنقلها لكن بكآمل التنسيق بدون زيادة ونقصان ]
- ويزاكم الله كل خير -
{ ترقبوا الجزء الثاني من الموضوع }
